«Стратегияи рушди Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» барои давраи то соли 2040» таҳия гардид

Июль 1, 2024 16:37

ДУШАНБЕ. 01.07.2024 /АМИТ «Ховар»/. Дар маҷлиси Ҳукумати Ҷумҳурии Тоҷикистон, ки 28 июни соли равон таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати Ҷумҳурии Тоҷикистон муҳтарам Эмомалӣ Раҳмон доир гардид, аз ҷумла масъалаи «Стратегияи рушди Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» барои давраи то соли 2040» мавриди баррасӣ қарор дода шуд, хабар медиҳад АМИТ «Ховар».

Ҳадаф аз таҳияи Стратегия ин амалисозии принсипҳои идоракунии стратегӣ ва менеҷменти сифат дар фаъолияти донишгоҳ, тақвияти мавқеи пешсафии донишгоҳ дар байни муассисаҳои таҳсилоти олии касбии ҷумҳурӣ ва табдил додани он ба маркази бонуфузи таълимию таҳқиқотии минтақаи Осиёи Марказӣ, рақамикунонии самтҳои фаъолият вобаста ба тамоюли рушди таҳсилоти олии ҷаҳонӣ, таъмини рушди устувор дар асоси амалисозии технологияҳои инноватсионӣ дар самтҳои фаъолияти донишгоҳ ва рушди ҳамкории мутақобилаи судманд бо субъектҳои бозори меҳнати дохилӣ ва хориҷӣ дар асоси амалисозии низоми таҳсилоти дуалӣ мебошад.

Ҳамчунин дар доираи амалисозии “Стратегияи рушди Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» барои давраи то соли 2040” густариши робитаҳои байналмилалии донишгоҳ ва ҷалби шаҳрвандони хориҷӣ ба донишгоҳ ба зинаҳои гуногуни таҳсилотро дар бар мегирад.

Бояд тазаккур дод, ки амалишавии ҳадафу вазифаҳои алоҳидаи “Стратегияи рушди Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» барои давраи то соли 2040” рақамикунонии равандҳои таълим, рушди таҳқиқоти илмӣ ва тиҷоратикунонии натиҷаҳои он, густариши робитаҳои байналмилалӣ, татбиқи принсипҳои «иқтисоди сабз» на танҳо барои донишгоҳ, балки ба дигар муассисаҳои таҳсилоти олии касбӣ ва низоми таҳсилоти олии мамлакат муфид хоҳад буд.

Стратегияи рушди Донишгоҳ ба самараноку оқилона истифода намудани захираҳои донишгоҳ заминаи асосӣ мегузорад. Дар баробари ин, амалишавии Стратегия зина ба зина ба беҳтаргардонии сифати таҳсилот дар Донишгоҳ ва омода кардани мутахассисони рақобатпазир дар бозори меҳнати ҷумҳурӣ ва берун аз он мусоидат мекунад.

Ёдовар мешавем, ки нақшаи амали “Стратегияи рушди Муассисаи давлатии «Донишгоҳи байналмилалии сайёҳӣ ва соҳибкории Тоҷикистон» барои давраи то соли 2040” дар марҳилаи якум (солҳои 2024-2026) ҷиҳати иҷрои банди 9 Нақшаи чорабиниҳо оид ба иҷрои дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, ки зимни сафари корӣ ба шаҳру ноҳияҳои Левакант, Бохтар, Кӯшониён, Вахш ва Ёвони вилояти Хатлон аз 14 то 15 декабри соли 2023 баён доштанд, аз тарафи гурӯҳи кории байниидоравӣ таҳия гардид ва ба баррасии Ҳукумати Ҷумҳурии Тоҷикистон пешниҳод карда шуд.

АКС: АМИТ «Ховар»

Июль 1, 2024 16:37

Хабарҳои дигари ин бахш

Дар Донишгоҳи техникии Тоҷикистон факултети технологияи химиявӣ ва металлургия таъсис дода шуд
МАРКАЗИ МИЛЛИИ ТЕСТӢ. Агар телефони дастии довталаб хомӯш бошад, аз натиҷи озмуни тақсимоти асосӣ бехабар мемонад
Донишгоҳи давлатии омӯзгории Тоҷикистон бо 120 муассисаи илмӣ ва таълимии давлатҳои хориҷӣ ҳамкорӣ дорад
Донишгоҳи миллии Тоҷикистон: «Омӯзгороне, ки рисолаҳои номзадӣ ва докторӣ ҳимоя мекунанд, то 30 ҳазор сомонӣ ҳавасманд мешаванд»
Академияи идоракунии давлатии Тоҷикистон бо 14 ташкилоти байналмилалӣ ҳамкорӣ дорад
Ҷаласаи дуюми Гурӯҳи кории ҷумҳуриявӣ оид ба рушди сайёҳӣ, ҳунарҳои мардумӣ ва ташкилу назорати корҳои ободониву сабзазоркунӣ баргузор гардид
Хонандагони муассисаи таҳсилоти миёнаи умумӣ барои гирифтани аттестати аълои универсалӣ маҳоратозмоӣ намуданд
«IMO-2024». Хонандагони тоҷик дар Олимпиадаи ҷаҳонӣ сазовори ҷойҳои ифтихорӣ шуданд
35 -СОЛАГИИ ИСТИҚЛОЛИ ДАВЛАТӢ. Дар шаҳрҳои Конибодом ва Исфара сохтмони иншооти соҳаи маориф идома дорад
ОМОДАГӢ БА СОЛИ НАВИ ХОНИШ. Дар Ёвон бинои иловагии мактаби №6 ба истифода дода мешавад
Имрӯз натиҷаҳои имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбӣ эълон гардид
Имсол истифодаи «Барномаи биллингӣ» дар муассисаҳои таҳсилоти умумии ҷумҳурӣ амалӣ карда мешавад