Дар платформаи электронии махзани иттилоотӣ-ҳуқуқии адлия санадҳои меъёрӣ-ҳуқуқӣ рақамикунонӣ шуданд
ДУШАНБЕ, 10.08.2024. /АМИТ «Ховар»/. Дар Вазорати адлияи Ҷумҳурии Тоҷикистон тамоми санадҳои меъёрӣ-ҳуқуқӣ аз соли 1991 то соли 2024 рақамикунонӣ ва дар платформаи электронии махзани иттилоотӣ-ҳуқуқии адлия ҷойгир карда шуданд. Дар ин хусус 8 август зимни нишасти матбуотӣ Вазири адлияи Ҷумҳурии Тоҷикистон Музаффар Ашуриён ба хабарнигорон иттилоъ дод.
Бо дастгирии Дастгоҳи иҷроияи Президенти Ҷумҳурии Тоҷикистон тамоми санадҳои меъёрӣ-ҳуқуқие, ки давоми 33 сол қабул шудаанд, дар платформаи электронии махзани иттилоотӣ-ҳуқуқии адлия ворид карда шуданд. «Дар айни замон махзани адлия дар ду шакл- намунаи онлайнӣ, яъне тавассути ворид шудан ба сомонаи махзан бо истифода аз компютер ва планшет ба шаҳрвандон дастрас мебошад. Рӯзҳои наздик намунаи мобилии ин махзан ба ҳамагон дастрас карда мешавад»,-баён дошт вазир.
Таъкид гардид, ки барои амалӣ намудани ҳуқуқи шаҳрвандон ба дастрасии санадҳои меъёрӣ-ҳуқуқӣ истифодаи платформаи электронии махзани мутамарказонидаи иттилоотӣ-ҳуқуқии адлия ройгон аст. Дар тамоми мақомоту идораҳои давлатӣ ин махзан насб карда шуда, онҳо аз ин махзан ройгон истифода мебаранд.
Музаффар Ашуриён изҳори боварӣ намуд, ки дар оянда дар ҳамкорӣ бо вазорату идораҳо ва шарикони рушд барои фароҳам овардани тамоми шароит ва ҳалли мушкилоте, ки дар ин самт ҷой доранд, тадбирҳо андешида мешаванд. «Мақсад аз рақамикунонии соҳа- ин, қабл аз ҳама, осон ва сабук намудани дастрасии шаҳрвандони Ҷумҳурии Тоҷикистон, шахсони воқеӣ ва ҳуқуқӣ ба хизматрасонии давлатӣ мебошад»,-афзуд ӯ.
Иттилоъ дода шуд, ки барномаи пардохти ҳушманд, постерминалҳое, ки дар Сабти асноди ҳолати шаҳрвандӣ ва идораҳои нотариалии мамлакат гузошта шудаанд, на танҳо корти миллӣ, балки дилхоҳ кортро қабул мекунанд. Дар айни замон тамоми шаҳрвандон имкон доранд ҳамаи пардохтҳои давлатиро дар ин идораҳо тариқи электронӣ бо истифода аз ҳамёни электронӣ низ пардохт намоянд. Зеро дар ҳар идора аллакай QR- рамзи ягона ворид карда шудааст.
Шаҳлои САДРИДДИН,
АМИТ «Ховар»
АКС: АМИТ «Ховар»
МАСЛИҲАТИ МУТАХАССИС. Истеъмоли қулфинай фаромӯшхотириро кам мекунад
Муовини Сарвазири Тоҷикистон Дилрабо Мансурӣ бо фаъолони ноҳияҳои минтақаи Рашт ва шаҳри Роғун вохӯрӣ намуд
ҲХДТ ва Ҳизби коммунистии Чин робитаҳоро густариш медиҳанд
Дар шаҳру ноҳияҳои вилояти Хатлон Фестивали ҷумҳуриявии «Дӯстии ҷавонон» баргузор мегардад
Доир ба татбиқи грантҳои Хазинаи пандемикӣ дар Тоҷикистон ҷаласа баргузор гардид
Бахшида ба Рӯзи пойтахт дар шаҳри Душанбе ҳамоиши сиёсӣ-фарҳангӣ баргузор шуд
Ҳайати Тоҷикистон дар Женева оид ба иҷрои уҳдадориҳои байналмилалӣ дар самти ҳифзи ҳуқуқи инсон гузориш пешниҳод намуд
Роҳҳои муассири мубориза бо чангу ғубор кадомҳоянд?
Оид ба саҳми тоҷикон дар ташаккули тамаддуни Осиёи Марказӣ конфронси ҷумҳуриявӣ доир гардид
Кумита бар зидди шиканҷаи СММ ба гузориши миллии Тоҷикистон оид ба иҷрои Конвенсия бар зидди шиканҷа баҳои баланд дод
Чангу ғубор сабаби авҷи кадом бемориҳо мегардад?
Ваколатдор оид ба ҳуқуқи инсон дар Тоҷикистон бо намояндагони Кумитаи СММ бар зидди шиканҷа вохӯрӣ намуд
