Байни «Тоҷикаэронавигатсия» ва Бюрои минтақавии идоракунии ҳаракати ҳавоӣ дар минтақаи Шинҷони Чин Ёддошти тафоҳуми ҳамкорӣ ба имзо расид
ДУШАНБЕ, 07.11.2024 /АМИТ «Ховар»/. Байни Корхонаи воҳиди давлатии «Тоҷикаэронавигатсия» ва Бюрои идоракунии ҳаракати ҳавоӣ дар минтақаи Шинҷон дар доираи вохӯрии 5-уми ҳамоҳангсозии низомҳои алоқа, навигатсия ва назорат барои идоракунии ҳаракати ҳавоӣ (CNS/ATM)-и Ҷумҳурии Тоҷикистон ва Ҷумҳурии Мардумии Чин Протоколи вохӯрӣ ва Ёддошти тафоҳум оид ба ҳамкорӣ ба имзо расид. Дар ин хусус АМИТ «Ховар» бо истинод ба «Тоҷикаэронавигатсия» итттилоъ медиҳад.
Протоколи ҷаласа аз ҷониби директори генералии Корхонаи воҳиди давлатии «Тоҷикаэронавигатсия» Лоиқ Бегиҷонзода ва муовини директори генералии Бюрои идоракунии ҳаракати ҳавоӣ (ATMB)-и Маъмурияти авиатсияи граждании Чин Миао Сюан, Ёддошти тафоҳум оид ба ҳамкорӣ байни Корхонаи воҳиди давлатии «Тоҷикаэронавигатсия» аз ҷониби директори он Лоиқ Бегиҷонзода ва Бюрои минтақавии идоракунии ҳаракати ҳавоӣ дар минтақаи Шинҷони Маъмурияти авиатсияи граждании Чин аз ҷониби директори генералии ин бюро Лю Вэнчи ба имзо расид.
Ёддошти тафоҳум ба рушд ва таҳкими ҳамкорӣ байни Корхонаи воҳиди давлатии «Тоҷикаэронавигатсия» ва Бюрои минтақавии идоракунии ҳаракати ҳавоии Шинҷон нигаронида шуда, ҳамзамон он ба таъсиси шарикӣ ва рушди ҳамкории дарозмуддати стратегӣ дар соҳаи хизматрасонии аэронавигатсионии ду давлат мусоидат менамояд.
Дар доираи ин санадҳо мубодилаи мутақобили таҷриба дар соҳаи идоракунии ҳаракати ҳавоӣ, таъминоти радиотехникии парвозҳо, метеорологияи авиатсионӣ, идоракунии фазои ҳавоӣ ва технологияҳои иттилоотӣ, такмили ихтисос ва омӯзиши кормандон, аудитҳои дохилӣ оид ба масъалаҳои Низоми идораи бехатарии парвозҳо ва Низоми менеҷменти сифат, таҳкиму рушди муштараки хатсайрҳои хизматрасонии ҳаракати ҳавоӣ, табодули маълумоти дахлдор оид ба ҳаракати ҳавопаймоҳо байни марказҳои таъмини хизматрасонии ҳаракати ҳавоии Душанбе ва Урумчӣ пешбинӣ гардидааст.
Вохӯрии 5-уми ҳамоҳангсозии низомҳои алоқа, навигатсия ва назорат барои идоракунии ҳаракати ҳавоӣ (CNS/ATM)-и Ҷумҳурии Тоҷикистон ва Ҷумҳурии Мардумии Чин дар шаҳри Урумчӣ баргузор гардид. Ҷонибҳо ба мувофиқа расиданд, ки ҷаласаи 6-уми ҳамоҳангсозиро байни Чин ва Тоҷикистон дар Ҷумҳурии Тоҷикистон доир намоянд.
АКС: Корхонаи воҳиди давлатии «Тоҷикаэронавигатсия»
Дар шаҳри Москва ҷаласаи 109-уми Шурои иқтисодии ИДМ баргузор гардид
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
«Shohin Airlines» ҳавопаймои нави L410 NG харидорӣ менамояд
Вазири энергетикаи Тоҷикистон бо истеҳсоли таҷҳизоти турбинаҳои газии гурӯҳи ширкатҳои «АМКОР»-и Тотористон шинос шуд
Доир ба мушкилоти тағйирёбии иқлим, сабабҳо, пайомад ва усулҳои мутобиқшавӣ ба он китоб ба нашр расид
Дурнамои рушди ҳамкории гумрукӣ байни Тоҷикистон ва Корея баррасӣ гардид
