НИШАСТИ МАТБУОТӢ. Зиёда аз 1600 гектар замин ба гардиши кишоварзӣ ворид гардид
ДУШАНБЕ, 06.01.2025 /АМИТ «Ховар/. Кумита барои ба гардиши кишоварзӣ ворид намудани заминҳои аз гардиши кишоварзӣ берунмонда ва азхудкунии заминҳо тамоми тадбирҳои заруриро амалӣ менамояд. Ин аст, ки давоми соли 2024 майдони 1652 гектар, ки 1598 гектараш обӣ мебошад, ба гардиши кишоварзӣ ворид гардид. Дар ин хусус имрӯз зимни нишасти матбуотӣ Раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода иброз намуд.
Аз ҷумла, дар Вилояти Мухтори Кӯҳистони Бадахшон аз ҳисоби дигар заминҳои дар кишоварзӣ истифоданашаванда 5 гектар, дар вилояти Суғд 817 гектар, дар вилояти Хатлон 793 гектар ва дар ноҳияҳои тобеи ҷумҳурӣ 37 гектар ба гардиши кишоварзӣ ворид карда шуданд.
Ориф Хоҷазода афзуд, ки ин нишондиҳандаҳо қонеъкунанда нестанд. Зеро то ҳол дар ҷумҳурӣ 19 ҳазору 718 гектар заминҳои партов ва 4923 гектар заминҳои аз гардиши кишоварзӣ берунмонда мавҷуд ҳастанд, ки барои ба гардиши кишоварзӣ ворид намудани онҳо Кумитаи давлатии идораи замин ва геодезӣ дар якҷоягӣ бо вазорату идораҳои дахлдор чораҷӯӣ менамояд.
Соли 2024 ба Кумитаи давлатии идораи замин ва геодезӣ 129 парвандаи заминсозӣ оид ба додани қитъаҳои замин, ки бо супориши Ҳукумати Ҷумҳурии Тоҷикистон амалӣ мегардад, аз кумитаҳои идораи замини шаҳру ноҳияҳо барои экспертизаи ҳуҷҷатҳо ва мувофиқакунӣ бо вазорату идораҳои дахлдор ворид гардид. Аз онҳо баъд аз ташхиси техникӣ бинобар сабаби ҷой доштани камбудиҳо 30 парвандаи заминсозӣ бозпас гардонида шуд, 65 парванда ва 12 лоиҳаи қарори Ҳукумати Ҷумҳурии Тоҷикистон дар мувофиқакунӣ бо вазорату идораҳои дахлдори ҷумҳурӣ қарор доранд.
Ҳоло 71 парвандаи заминсозӣ дар ҳолати мувофиқакунонӣ бо вазорату идораҳои дахлдори ҷумҳурӣ қарор дорад.
Дар давраи ҳисоботӣ оид ба гирифтан ва додани қитъаи замин 45 қарори Ҳукумати Ҷумҳурии Тоҷикистон тасдиқ гардид.
Дар нишаст иброз гардид, ки дар ин давра корхонаю муассисаҳои системаи Кумитаи давлатӣ ба маблағи 167 миллиону 128 ҳазор сомонӣ корҳои топографию геодезӣ, харитасозӣ ва бақайдгирии молумулки ғайриманқулро иҷро намуданд. Аз он 48,9 миллион сомонӣ ба буҷет пардохт шуда, маблағи боқимонда барои пардохти маош ва дигар хароҷот сарф гардид.
Раъно НУСРАТУЛЛО,
АМИТ «Ховар»
АКС: АМИТ «Ховар»
Нахустин мулоқоти ҳамоҳангсозони миллии Маркази минтақавии дипломатияи нақлиётӣ баргузор шуд
Дар Бонки миллии Тоҷикистон тақвияти робитаҳои байнибонкии Тоҷикистон ва Ҳиндустон баррасӣ шуд
Дар Душанбе Намоиши байналмилалии маҳсулоти саноати хӯрокворӣ ва бастабандии «UPAK EXPO 2026» доир гардид
Тоҷикистон ва Ҳиндустон ҳамкориро дар соҳаи технологияҳои рақамӣ ва инноватсия густариш медиҳанд
Пешвои миллат Эмомалӣ Раҳмон: «Ман ба масъулиятшиносӣ, таҷриба ва заҳмати софдилонаи бунёдгарони «Роғун» эътимоди комил дорам»
Президенти Тоҷикистон: «Бунёди Неругоҳи барқи обии «Роғун» муҳимтарин дастоварди даврони соҳибистиқлолии Тоҷикистон аст»
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
