Имрӯз таҳти раёсати Сарвазири Ҷумҳурии Тоҷикистон маҷлиси умумии ғайринавбатии саҳмдорони ҶСК «НБО Роғун» баргузор гардид
ДУШАНБЕ, 11.03.2025 /АМИТ «Ховар»/. Имрӯз таҳти раёсати Сарвазири Ҷумҳурии Тоҷикистон, раиси Шурои нозирони Ҷамъияти саҳоми кушодаи «Неругоҳи барқи обии Роғун» Қоҳир Расулзода маҷлиси умумии ғайринавбатии саҳмдорони Ҷамъияти саҳоми кушодаи «Неругоҳи барқи обии Роғун» баргузор гардид. Дар ин хусус ба АМИТ «Ховар» аз Котиботи Шурои нозирони Ҷамъияти саҳомии кушодаи «Неругоҳи барқи обии Роғун» хабар доданд.
Дар маҷлис аъзои Шурои нозирон, котиботи шурои нозирон, роҳбарияти вазорату идораҳо, раисони комиссияҳои тафтишотӣ ва баҳисобгирӣ, саҳмдорон ва роҳбарияти Ҷамъияти саҳоми кушодаи «Неругоҳи барқи обии Роғун» иштирок намуданд.
Тибқи рӯзнома дар маҷлиси умумии ғайринавбатии саҳмдорони Ҷамъияти саҳоми кушодаи «Неругоҳи барқи обии Роғун» 2 масъала:
— дар бораи ҷудо намудани маблағ аз фурӯши неруи барқи дар Неругоҳи барқи обии «Роғун» истеҳсолшаванда барои барномаи тақсими манфиатҳои НБО «Роғун»;
— дар бораи тартиби тақсими даромадҳо аз ҳисоби фурӯши неруи барқи (дохилӣ ва содиротӣ) дар Неругоҳи барқи обии «Роғун» истеҳсолшаванда баррасӣ карда шуд.
Сарвазири Ҷумҳурии Тоҷикистон, раиси Шурои нозирони Ҷамъияти саҳоми кушодаи «Неругоҳи барқи обии Роғун» Қоҳир Расулзода иброз намуд, ки имрӯзҳо бунёди неругоҳи барқи обии «Роғун» бо суръати баланд идома дошта, дар ду соли охир ба ин мақсад аз ҳисоби буҷети давлатӣ беш аз 9 миллиард сомонӣ харҷ гардидааст ва то имрӯз беш аз 50 фоизи корҳои сохтмони неругоҳи «Роғун» ба анҷом расонида шудааст.
Ҳукумати мамлакат бо истифода аз ҳамаи сарчашмаҳо ҷиҳати сари вақт маблағгузорӣ намудани сохтмони ин иншооти стратегӣ мунтазам чораҷӯйӣ менамояд.
То имрӯз созишномаҳои маблағгузории иншооти неругоҳ бо 6 созмони байналмилалӣ ба имзо расонида шуда, дар ин самт бо як қатор созмонҳои байналмилалии молиявӣ ва шарикони рушд ҳамкории судманд барои ҷалби маблағҳои имтиёзнок идома дорад.
Дар идомаи маҷлис вобаста ба масъалаи якуми рӯзнома — дар бораи ҷудо намудани маблағ аз фурӯши неруи барқи дар Неругоҳи барқи обии «Роғун» истеҳсолшаванда барои барномаи тақсими манфиатҳои Неругоҳи барқи обии «Роғун» директори генералии Ҷамъияти саҳоми кушодаи «Неругоҳи барқи обии Роғун» Хайрулло Сафарзода ва вобаста ба масъалаи дуюм – директори Гурӯҳи татбиқи лоиҳаҳои сохтмони иншооти энергетикӣ Пулод Муҳиддиниён суханронӣ намуданд.
Вобаста ба масъалаҳои баррасишуда дар маҷлиси умумии ғайринавбатии саҳмдорони Ҷамъияти саҳоми кушодаи «Неругоҳи барқи обии Роғун» қарорҳои дахлдор қабул гардид.
АКС: Котиботи Шурои нозирони Ҷамъияти саҳомии кушодаи «Неругоҳи барқи обии Роғун»
Ҳайати Тоҷикистон дар аввалин таҷлили Рӯзи ҷаҳонии ҳифзи пиряхҳо дар қароргоҳи ЮНЕСКО дар Париж иштирок намуд
Дар Кумитаи рушди сайёҳӣ барои сайёҳони хориҷӣ телефони боварӣ ташкил гардид
Ба муносибати ҷашни Наврӯз дар «Саноатсодиротбонк» ҷаласаи тантанавӣ баргузор шуд
Ҳамкории ниҳодҳои олии аудити Тоҷикистон ва Арабистони Саудӣ баррасӣ гардид
Дар Душанбе вобаста ба беҳтар намудани сатҳу сифати хизматрасонии алоқаи барқӣ брифинг доир шуд
Дар Бонки миллии Тоҷикистон ҷашни Наврӯз бошукуҳ таҷлил гардид
Марҳилаи муҳими татбиқи Лоиҳаи «Барномаи рушди фарогири деҳот» дар Тоҷикистон ба анҷом расид
Ҷаласаи якуми Гурӯҳи кории байнидоравӣ оид ба таҳияи Нақшаи амали Стратегияи рушди иқтисоди «сабз» доир шуд
Байни БАТР ва ҶСК «Шабакаҳои интиқоли барқ» Созишномаи грантӣ ба маблағи 2 миллион евро ба имзо расид
Русия дар самти баланд бардоштани сатҳи саводнокии молиявии аҳолӣ бо Тоҷикистон ҳамкорӣ менамояд
Дурнамои нишондиҳандаҳои асосии рушди иҷтимоию иқтисодии вилоятҳои Бадахшон ва Хатлон баррасӣ гардид
Байни Тоҷикистон ва Русия оид ба таъсиси Парки саноатӣ дар Тоҷикистон созишнома ба имзо расид
